INDONESIA
Dati a Boss ti Sindikato a Nagbalin a Mararaem nga Umili
Hisar Sormin
NAYANAK 1911
NABAUTISARAN 1952
ABABA A PAKASARITAANNA Dati a lider ti sindikato a nagbalin a miembro ti Komite ti Sangay.
NAMINSAN, pinaayaban ti Director of Intelligence ni Brother Sormin iti opisina ti attorney general.
“Maysaka nga Indonesian, isu nga ibagam ti agpayso,” kuna ti opisial. “Ania a talaga ti ar-aramiden dagiti Saksi ni Jehova ditoy Indonesia?”
“Bay-anyo ta iyestoriak ti biagko,” insungbat ni Brother Sormin. “Maysaak idi a lider ti sindikato, ngem ita isursurokon dagiti tattao maipapan iti Biblia. Dayta ti ar-aramiden dagiti Saksi ni Jehova ditoy Indonesia—tultulonganda dagiti kriminal a kas kaniak nga agbalin a nasayaat nga umili!”
Idi agangay, imbaga ti Director of Intelligence: “Adu ti mangirekreklamo kadagiti Saksi ni Jehova. Ngem mamatiak a nasayaat dayta a relihion ta natulonganna ni Mr. Sormin nga agbalbaliw.”