Ti Uniberso—Pannakaparsua wenno Banag a Naiparparna?
ITI agtultuloy a debate no ti uniberso ket naparsua wenno dayta ti naiparparna laeng, dagiti sumaganad a komento ni Paul Davies, propesor iti theoretical physics idiay University of Newcastle sadi Gran Britania, iti librona a God and the New Physics ti makapatignay iti pampanunot:
“No ti uniberso ket aksidente laeng, dagiti panggundawayanna a maibusor iti dayta a naglaon iti aniaman a maipateg nga urnos ti nakakatkatawa a nagbassitan. . . . Gapu ta nalawag a saan a kasta ti kaso, agparang a narigat a malisian ti konklusion a ti aktual a kasasaad ti uniberso ti ‘pinili’ wenno naala manipud iti dakkel a bilang dagiti adda a kasasaad, nga amin malaksid ti ngangngani di madlaw a fraction ti naan-anay a nawarawara. Ket no ti kasta nga aglablabes a mabalin a di mapasamak nga umun-una a kasasaad ti napili, sigurado nga adda ti maysa a nangpili wenno nangdisenio a ‘mangpili’ iti dayta.”
Pudno unay, kas ti maysa a managbangon a mangpili iti maysa a disenio ken kadagiti materiales a pagibangon nga agserbi iti panggepna, kasta met ti Dios a mannakabalin-amin, a ti naganna ket Jehova, pinarsuana ti uniberso. (Salmo 83:18; Apocalipsis 4:11) Pudno unay, ti konklusion ni Propesor Davies ipalagipna kadatayo dagiti sasao ni apostol Pablo idiay Hebreo 3:4: “Ti nangbangon kadagiti isuamin a bambanag isu ti Dios.”
[Picture Credit Line iti panid 13]
Retretrato ti NASA