Dagiti Libre a Publikasion

DAGITI libre a pagiwarnak idiay Britania mangipaayda iti sapul iti adbertising a sumagmamano gasut a milion a doliar manipud iti sirkulasion a pinullo a milion a kopia iti linawas. Ti resulta ket naiduma unay manipud iti makaparurod a padto a nangsabet kadakuada nasurok a 20 a tawenen a napalabas. “Tagtagibassiten dagiti tattao ti kapanunotan a mabalin ti agiadbertise iti banag a libre,” kuna ni Ian Locks, direktor ehekutibo iti Association of Free Newspapers. Ngem, iti kinapudnona, “dayta linukatanna nga interamente dagiti adu a libre a pagiwarnak, magazine ken polieto kas baro a kita iti panaglako,” kinunana.

Uray met dagiti magasin? Wen. Nasurok a 400 a nagduduma a magasin ti naited idiay United Kingdom, nga addaan met iti sirkulasion a pinullo a milion. Dagiti nababa a presio inawisnan dagiti adbertiser manipud iti gagangay a lokal a pagiwarnak, nga adu kadakuada ti awanen wenno mait-ited metten a libre. Deskribiren ti The Times iti London ti kasasaad a kas “maysa a dinamiko a baro a puersa iti industria ti panagipablaak idiay Britania,” maysa a naikeddeng nga agtalinaed.