Karkarna a Sementerio
BABAEN TI KORESPONSAL TI AGRIINGKAYO! IDIAY ECUADOR
ITI ili ti Ibarra, iti amianan ti Quito a kabesera a siudad ti Ecuador, adda karkarna a sementerio—ti el cementerio de los pobres (ti Sementerio Dagiti Napanglaw). Apay a karkarna? Dagiti naipinta iti makinruar a pader ket napadakkel a bersion dagiti ladawan a direkta a natulad manipud kadagiti publikasion ti Watch Tower Society!a Ti retrato iti tengnga ket mangiladawan ken apostol Juan a natulad manipud iti kapitulo 7 ti libro nga Apocalipsis—Ti Grande a Tampokna Asidegen! Iti ngatuen ni Juan, kastoy ti teksto a naisurat iti Español: “Ti Pagarian ti Dios kaipapananna ti kinalinteg ken talna ken rag-o. Roma 14:17.” Iti kannigid, naisurat ti sasao iti Mateo 11:28: “Umaykayo kaniak, dakayo amin a mabambannogan ken nadagsenan, ket pagin-awaenkayto,” a naadaw iti New World Translation. Sigurado nga agserbi daytoy a pader ti sementerio a pangawis kadagiti tattao a basaenda ti Sao ti Dios.
[Footnote]
a Tapno masurot dagiti legal a pagannurotan, masapul a magun-odan ti permiso sakbay a makopia dagiti artikulo wenno matulad dagiti ladawan iti literatura ti Watch Tower, ket masapul a maibaga wenno maisurat a nagtaud daytoy iti Watch Tower Bible and Tract Society of Pennsylvania.