Umayyo Denggen ti Libre a Palawag Publiko

“Asino ti Mangisursuro iti Kinapudno Kadagiti Amin a Nasion?”

Kinuna naminsan ti maysa nga obispo: “Ti naan-anay a kinapudno ket narigat a maawatan ti siasinoman kadatayo.” Husto aya dayta a panangmatmat? Wenno adda gubuayan ti naan-anay a kinapudno? Mabalin kadi nga addanto tiempo a sawenton ti tunggal tao ti kinapudno?

Mangrugi iti Nobiembre 23-25, 2001 agingga inton Enero 11-13, 2002, maiparang ti palawag a ti paulona ket nadakamat iti ngato kadagiti 60 a “Dagiti Mannursuro iti Sao ti Dios” a Kombension Distrito dagiti Saksi ni Jehova a maangay iti Pilipinas iti tallo nga aldaw. Kinapudnona, dayta ti tampok ti agarup 2,000 a kasta a kombension iti agarup 150 a pagilian ti intero a lubong.

Karaman kadagiti saludsod a masungbatan ket: Nagtaudan ti kinapudno? Kasano a maipalgak ti kinapudno? Ania ti kangrunaan a libro tapno maipalgak ti kinapudno?

Mabalinyo ti dumngeg iti daytoy napateg a palawag iti kombension nga asideg iti pagtaenganyo. Makiumankayo kadagiti Saksi ni Jehova iti lugaryo, wenno agsuratkayo kadagiti agipabpablaak iti daytoy a magasin para iti lugar ti kombension a kaasitgan kadakayo.