“Kasapulak ti Pammaregta ken Namnama”

Kasta met kadi ti marikriknayo? Kasta ti marikrikna ti adu ita a tattao. Nagsurat ti maysa a babai a taga Fort Smith, Arkansas, iti sangalubongan a hedkuarter dagiti Saksi ni Jehova idiay Brooklyn, New York, ket inlawlawagna:

“Makaisuro ken mangabbukay unay ti libroyo a Pannakaammo a Mangiturong iti Biag nga Awan Inggana. Naungpotko a binasa iti dua la nga aldaw. Inikkannak iti namnama nga asidegen ti naikari a baro a lubong iti sidong ti panagturay ni Jesu-Kristo. Segseggaak dayta nga aldaw.

“Kabayatanna, ikarkarigatak ti agbiag iti daytoy a lubong, nga ur-urayek a mapasamak dayta. Maup-upayak unay iti daytoy nailubongan, makapasikor, awan panagbalbaliwna a biag. Kasapulak ti pammaregta ken namnama. Kinunayo a babaen iti organisasionyo, mabalinmi ti maaddaan iti libre a panagadal iti Biblia iti pagtaengan no interesadokami. Pangngaasiyo man ta pakaammuandak no aniat’ aramidek tapno magun-odak daytoy? Iti panagkunak, daytoy a panagadal iti Biblia iti pagtaengan ti tumulong a mangparegta kaniak.”

No kayatyo ti umawat iti kopia ti libro a Pannakaammo a Mangiturong iti Biag nga Agnanayon wenno kayatyo nga adda mangyadal kadakayo iti Biblia iti pagtaenganyo, pangngaasiyo ta agsuratkayo iti Watch Tower, P.O. Box 2044, 1060 Manila, wenno iti maitutop a direksion a nailista iti panid 5.