Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • my estoria 45
  • Ibaballasiw iti Jordan

Awan video-na ti napilim.

Pasensiakan, adda problema iti pannakai-load ti video.

  • Ibaballasiw iti Jordan
  • Ti Librok Dagiti Estoria ti Biblia
  • Umasping a Material
  • Pinili ni Jehova ni Josue
    Dagiti Leksion a Masursurom iti Biblia
  • “Bumilegka ken Umingelka a Naimbag”
    Ti Pagwanawanan Mangibumbunannag iti Pagarian ni Jehova—1986
  • Ania ti Lakasa ti Tulag?
    Sungbat Dagiti Saludsod Maipapan iti Biblia
  • Jordan
    Pannakatarus iti Kasuratan, Tomo 1
Kitaen ti Ad-adu Pay
Ti Librok Dagiti Estoria ti Biblia
my estoria 45
Ti nasion ti Israel a bumalballasiw iti Karayan Jordan

ESTORIA 45

Ibaballasiw iti Jordan

KITAEM! Bumalballasiwen dagiti Israelitas iti Karayan Jordan! Ngem ayan dagiti danum? Nakapumpunno ti karayan sumagmamano a minutos sakbayna. Ngem itan nagawan aminen a danum! Aniat’ napasamak? Kitaentayo.

Idi tiempon para kadagiti Israelitas a bumallasiw iti Karayan Jordan, impaibaga ni Jehova ken Josue kadagiti tattao: ‘Alaen dagiti papadi ti lakasa ti tulag ket umun-unada. Inton ibaddekdan ti sakada iti karayan, agsardengto metten ti dandanum.’

Gapuna innala dagiti papadi ti lakasa ti tulag, imbaklayda nga immun-una ngem kadagiti tattao ket nagnadan idiay karayan. Napegges ti agusna ken nauneg. Ngem idi naibaddeken ti sakada iti danum, nagsardengen nga agayus ti danum! Milagro dayta. Di nagbayag awanen danum idiay karayan!

Nakatakder dagiti padi iti namaga a lansad ti karayan ken bakbaklayenda ti lakasa ti tulag bayat a bumalballasiw dagiti Israelita

Dagiti papadi a mangaw-awit ti lakasa ti tulag ti nagtakderda idiay tengnga ti karayan bayat a bumalballasiw dagiti Israelitas iti namaga a daga! Makitam kadi ida iti retrato?

Ni Josue

Idi isuamin nakaballasiwdan, imbaga ni Jehova ken Josue a mangibaga iti 12 a napigsa a lallaki a mangala met ti 12 a batbato manipud idiay pagtaktakderan dagiti papadi idiay karayan. Dagitoy a batbato ti maibunton idiay pagkampoan dagiti Israelitas. Agserbida a mangipalagip kadakuada iti milagro. Nangisaad met ni Josue ti 12 a batbato idiay disso a nagtakderan dagiti papadi idiay tukok ti karayan.

Iti kamaudiananna imbaga ni Josue met kadagiti papadi a mangibakbaklay ti lakasa ti tulag: ‘Umikkatkayon manipud Jordan.’ Ket apaman a nakapanawdan, ti karayan nangrugi manen nga agayus.

Josue 3:1-17; 4:1-18.

Dagiti Saludsod a Mausar iti Panagadal

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share