Kanta 59
Panangipateg kadagiti Palagip ti Dios
1. Naragsak dagidiay mangipangag,
Saot’ Dios a sipapasnek,
Ken palagip ti inda tungpalen
Ken di sumiasi ’ti linteg.
Bilbilin Dios apresiarenda,
Ayat, asit’ saritaenda.
Lintegnat’ ka’y-ayoda la unay,
Agpannurayda kenkuana.
2. Asin’ Jehova nakaskasdaaw;
Dumanon iti sapasap!
Ti kinalintegnat’ manalaknib,
Mangumsi man napalangguad.
Natulnog ket natalinaay;
Bendisiondat’ dinto agsarday.
Kas ti na’dda’n nawadwad a samsam,
Rag-otay Saonat’ naruay.
3. Umararawtay ken ni Jehova
Tapno Saonat’ ma’watan.
Denggennatay koma ket itdenna
Ti pannakaisalakan.
Dios, agmatalek puspusotay,
Bilinnat’ tungpalen a naynay.
Nasungdo, nalinteg ni Jehova.
’Sut’ mamapigsat’ inaldaw.