Kanta 175

Ibunannag ti Langlangit ti Dayag ti Dios

(Salmo 19:1)

1. Langlangit idaydayawdan Jehova;

Ar-aramidnat’ makitatay ’diay langit.

Wen, inaldaw maidaydayaw;

No rabii, dayagnat’ maipaneknek.

2. Linteg ni Jehova, biag pabaruenna,

Pammalagipnat’ mamagsirib nakapsut.

Linlintegnat’ mangparagsak,

Mangted rag-o ti bilinna, ta nadalus.

3. Panagbuteng ken Jehovat’ nasin-aw.

Dagiti pangngeddengna nalinteg, pudno,

Nasudsudi ngem balitok,

Makaparagsak sam-itna, a kas diro.

4. Pagyamananmit’ linteg ken bilinmo;

No salimetmetanmi naruay gunggona.

O sapay ta aramidmit’

Nalinteg, pudno, makaay-ayo kenka.