Minilion dagiti Espiritu a Parparsua

Ti Biblia ibagana kadatayo nga adu dagiti espiritu a persona. Ni Jehova a mismo ket maysa nga espiritu.—Juan 4:24; 2 Corinto 3:17, 18.

Iti maysa a tiempo agmaymaysa ni Jehova iti uniberso. Kalpasanna inrugina a parsuaen dagiti espiritu a persona a maawagan dagiti anghel. Nabilbilegda ken nasarsariritda ngem dagiti tattao. Nangparsua ni Jehova iti adu nga anghel; ti adipen ti Dios a ni Daniel, iti maysa a sirmata, nakitana ti ginasut a milion nga anghel.—Daniel 7:10; Hebreo 1:7.

Dagitoy nga anghel ket pinarsua ti Dios uray pay sakbay ti pana­ngaramidna ti daga. (Job 38:4-7) Awan kadakuadat’ tattao nga idi naminsan nagbiag ken natay ditoy daga.