Sirarag-o nga Urayem ti Aldaw ni Jehova

Inusar ni Jehova dagiti mammadtona a mangipakdaar iti idadateng ti aldaw a panangidissuorna iti pungtotna. Ngem ditay koma panunoten nga isu ket nauyong a Dios. Ni Jehova ket ‘agragrag-o gapu kadagiti tattaona buyogen dagiti naragsak a pukkaw.’ Bayat a segseggaantayo ti naindaklan nga aldawna, adda nasayaat a rasontayo nga ‘agrag-o ken agragsak buyogen ti amin a puso.’ (Sofonias 3:14, 17) Kasanom a maiparangarang daytoy kadagiti aramid ken iti kababalinmo? Ken apay a rumbeng a yamanem dagiti maad-adalmo kadagiti 12 a naimpadtuan a libro?