Panagibtur Agingga iti Panungpalan

1. Gaput’ kari ken Saot’ Dios,

Makaibturtayo.

Dagiti naammuantayo

Bin-ig a kinapudno.

Aldaw ti Dios asidegen,

Pammatit’ patibkeren.

No suot intay daeran,

Datay ket magugoran.

2. Ti ayattay ken Jehova

Nasged koma latta.

Amin a pakasuotan

Masapul nga ibturan.

Aniaman ti mapasamak,

Saantay nga agamak.

Ni Jehovat’ pagkamangan

Ta dinatay baybay-an.

3. Amin a makapagibtur

Maisalakanda.

Iti librot’ biag maisurat

Dagiti nagnaganda.

Ngarud, agibturtay koma

Aginggat’ panungpalan.

Maay-ayo ni Jehova,

Ket rag-ot’ magun-odan.