Asino ni Jesus?

Imbaon ni Jehova ni Jesus ditoy daga. 1 Juan 4:9

No kayattayo a maparagsak ni Jehova, masapul a denggentayo ti sabali pay nga importante a persona. Sakbay pay a pinarsua ni Jehova ni Adan, nabayagen a naparsuana ti maysa a mannakabalin a persona idiay langit.

Idi agangay, imbaon ni Jehova daytoy a persona tapno mayanak idiay Betlehem iti birhen nga agnagan Maria. Napanaganan ti ubing iti Jesus.​—Juan 6:38.

Kas tao, tinulad a naimbag ni Jesus dagiti kualidad ti Dios. Naasi, naayat, ken nalaka a maas-asitgan. Situtured nga insurona ti kinapudno maipapan ken Jehova.

Inaramid ni Jesus ti naimbag ngem nagurgura. 1 Pedro 2:21-24

Dagiti lider ti relihion ginurada ni Jesus ta imbagana dagiti ulbod a sursuro ken dakes nga aramidda.

Inagasan met ni Jesus dagiti masakit ken adda dagiti pinagungarna.

Dagiti lider ti relihion sinugsoganda dagiti Romano a mangsapsaplit ken mangpapatay ken Jesus.