PASET 8

Kasano a Magunggonaanka iti Ipapatay ni Jesus?

Natay ni Jesus tapno agbiagtayo. Juan 3:16

Kitkitaen dagiti babbai ti awan nagyanna a tanem ni Jesus

Tallo nga aldaw kalpasan a natay ni Jesus, adda babbai a napan iti tanemna ngem awanen ti nagyanna. Pinagungaren ni Jehova ni Jesus.

Nagpakita ni Jesus kadagiti apostolna, sa immuli idiay langit

Di nagbayag, nagpakita ni Jesus kadagiti apostolna.

Wen, pinagungar ni Jehova ni Jesus kas mannakabalin nga espiritu a saan a matay. Nakita dagiti adalan ni Jesus ti panagpangatona idiay langit.

Pinagungar ti Dios ni Jesus ken pinagbalinna nga Ari ti Pagarian ti Dios. Daniel 7:13, 14

Manipud iti trono ni Jesus iti Pagarian, iturturayanna dagiti tattao iti paraiso a daga

Inted ni Jesus ti biagna tapno mabayadan ti subbot para iti sangatauan. (Mateo 20:28) Babaen dayta a subbot, pinagbalin ti Dios a posible nga agbiagtayo nga agnanayon.

Pinili ni Jehova ni Jesus kas Ari nga agturay iti daga. Kaduananto ti 144,000 a matalek a tattao a mapagungar nga agbiag idiay langit. Ni Jesus ken ti 144,000 ti mangbukel iti nalinteg a nailangitan a gobierno—ti Pagarian ti Dios.—Apocalipsis 14:1-3.

Ti Pagarian ti Dios pagbalinennanto ti daga a paraiso. Awanton ti gubat, krimen, kinapanglaw, ken bisin. Nakaragragsakton dagiti tattao.—Salmo 145:16.