PASET 9

Kaano nga Umay ti Paraiso?

Dagiti problema ditoy daga ti mangpaneknek a dandanin agtignay ti Pagarian ti Dios. Lucas 21:10, 11; 2 Timoteo 3:1-5

Dagiti problema iti maudi nga al-aldaw—panagsugal, gubat, sakit, bisin, panagsukir kadagiti nagannak, ken kinaranggas iti pagtaengan

Impadto ti Biblia ti adu a bambanag a mapaspasamak ita. Imbagana a dagiti tattao ket managayatto iti kuarta, nasukir kadagiti nagannak, nauyong, ken managayat iti ragragsak.

Addanto napipigsa a ginggined, gubgubat, bisin, ken nasaknap a sakit. Mapaspasamaken dagitoy.

Saksi ni Jehova a mangikaskasaba iti naimbag a damag maipapan ti Pagarian iti maysa a lalaki

Imbaga pay ni Jesus a maikasabanto ti naimbag a damag maipapan iti Pagarian iti intero a daga.—Mateo 24:14.

Ikkatento ti Pagarian ti amin a kinadakes. 2 Pedro 3:13

Madadael inton Armagedon dagiti dakes a tattao, sa madusa ni Satanas ken dagiti demoniona

Dandanin dadaelen ni Jehova ti amin a dakes a tattao.

Madusanto ni Satanas ken dagiti demoniona.

Nakatugaw ni Jesus iti tronona idiay langit ket naragsak dagiti tattao a nadumaduma ti pulida

Makalasatto dagidiay dumngeg iti Dios ken agbiagda iti nalinteg a baro a lubong, ket awanton ti pagbutnganda. Agtalek ken agiinnayatton dagiti tattao.