ADA

[napaababa a porma ti Eleada wenno Adaia].

1. Ti umuna kadagiti dua a sibibiag nga assawa ni Lamec. Isu ti ina da Jabal ken Jubal, dagiti namunganayan ti agakar-akar a pumapastor ken dagiti musikero.​—Ge 4:19-23.

2. Canaanita nga anak ni Elon a Heteo, ken maysa kadagiti assawa ni Esau. Gapu iti dayta a kasasaad, isu ket ‘gubuayan ti kinapait ti espiritu da Isaac ken Rebecca.’ Ti nagan ti anakna ket Elifaz, ti ama ni Amalek. Mabalin a ni Ada ti naawagan iti Basemat iti Genesis 26:34.​—Ge 26:35; 36:2, 4, 10, 12.