ADDAR

1. Anak ni Bela, maysa a Benjaminita.​—1Cr 8:1, 3.

2. Maysa nga ili ti Juda nga adda iti makin-abagatan a beddengna nga asideg iti Cades-barnea. (Jos 15:3) Iti salaysay ni Josue, nailanad dayta nga adda iti nagbaetan ti Hezron ken Carca, ngem iti Numeros 34:4 agparang a ti nagan a Hezron (kaipapananna ti “Paraangan; Purok”) naitipon iti Addar tapno agbalin a Hazar-addar, yantangay agpada ti salsalaysayenda. Kunaen ti libro a Biblical Archaeology (ni G. E. Wright, 1962, p. 71) a ti posible nga ayan dayta ket idiay ʽAin el-Qudeirat, a sadiay adda maysa a di maab-abbatan nga ubbog a mangpadpadanum iti bassit ngem nadam-eg a ginget. Adda dayta a lugar iti agarup 8 km (5 mi) iti amianan nga amianan-a-laud ti ʽAin Qedeis, ti posible nga ayan ti Cades-barnea.