ADONICAM

[Ti Apo(k) Timmakder [awan sabali, tapno tumulong]].

Namunganay iti maysa kadagiti balay ti amma ti Israel. Nasurok nga 600 a kameng daytoy a pamilia ti nakipagsubli ken Zorobabel idiay Jerusalem kalpasan ti pannakaidestiero idiay Babilonia. (Esd 2:13; Ne 7:18) Adda kanayonan nga 63 a kameng daytoy a balay ti amma a kimmuyog ken Esdras idiay Jerusalem idi 468 K.K.P. (Esd 8:13) Idi a dagiti pannakabagi ti balbalay ti amma pinatalgedanda ti “mapagpiaran nga urnos,” wenno resolusion a naibalabala idi kaaldawan ni Nehemias, nalawag a daytoy a pamilia ket nailista iti sidong ti nagan nga Adonias.​—Ne 9:38; 10:16.