AHIMAN

1. Kabsat da Sesai ken Talmai. Mabalbalin a da Ahiman, Sesai, ken Talmai isuda ti pannakabagi ti tallo a pamilia dagiti Anakim nga agtataeng idiay Hebron idi a dagiti Israelita sinimisimda ti Canaan idi 1512 K.K.P. (Nu 13:22, 28, 33) Adu a tawen kalpasanna, ni Caleb ken dagiti nagparmek a Judeano inikkatanda dagitoy nga Anakim iti sanikua.​—Jos 14:10-15; 15:13, 14; Uk 1:10.

2. Levita ken maysa kadagiti mapagtalkan nga agay-aywan iti ruangan ti Jerusalem kalpasan ti isusubli manipud pannakaidestiero idiay Babilonia.​—1Cr 9:17, 18.