TALMAI

1. Kabsat da Ahiman ken Sesai, annak ni Anak. (Nu 13:22; Jos 15:14; Uk 1:10; kitaenyo ti AHIMAN Num. 1.) Pagarupen ti dadduma nga eskolar a ti nagan a Tanmahu, a masarakan iti maysa a hieroglipiko a kitikit a mangiladladawan iti natayag ken napudaw a lalaki, ket katupag ti Egipcio a sao a Talmai. Daytoy a Canaanita a nagan ket agparang met kadagiti teksto ti Ras Shamra idi tiempo ti Uk-ukom.

2. Anak ni Amihud; ari ti Gesur. (2Sm 13:37) Ti anakna a babai a ni Maaca ti nangipasngay ken Absalom maipaay ken David. (2Sm 3:3; 1Cr 3:2) Kalpasan a ni Absalom naipapatayna ni Amnon a nangrames iti kabsatna a ni Tamar, nagtalaw ni Absalom a napan ken apongna a Talmai.​—2Sm 13:28, 29, 37, 38.