AHIMELEC

1. Anak ni Ahitub ken apoko ni Eli iti tumeng; nangato a padi iti tabernakulo a masarakan idiay Nob. Gapu ta ni Ahimelec tinulonganna ni David, a saanna nga ammo nga an-anupen ni Saul, ni Doeg nga Edomita ginudasna ni Ahimelec agraman ti 84 a dadduma pay a papadi ni Jehova kasta met dagiti lallaki, babbai, ken ubbing ti Nob. Ni laeng Abiatar ti nakalibas nga anak ni Ahimelec. (1Sm kap 21, 22) Ni David, a nangputar iti Salmo 52 idi agangay, imbinsabinsana ti nakaal-alingget nga aramid ni Doeg. (Sal 52:Sup) Dinakamat met ni Jesus ti kapadasan ni David mainaig ken Ahimelec.​—Mt 12:3, 4; Mr 2:25, 26; Lu 6:3, 4; kitaenyo ti AHIAS Num. 3.

2. Anak ni Abiatar ken apoko ti Ahimelec a pinapatay ni Doeg.​—1Cr 18:16; 24:3, 6, 31.

3. Maysa a Heteo a naawis ngem saan a kimmuyog ken David idi sililimed a simrek iti kampo ni Saul bayat ti rabii.​—1Sm 26:6, 7.