ASTEROT-CARNAIM

Ditoy a dagiti Refaim ket pinarmek ni Kedorlaomer nga ari ti Elam. (Ge 14:5) Impapan ti dadduma nga isu dayta ti kompleto a nagan ti Astarot ket ti pannakainayon ti “carnaim” (sarsara) tumukoy kadagiti dua a tirad ti immindayon a bulan a mangisimsimbolo iti diosa a ni Astarte wenno iti singin nga alimpatok a kaparanget ti ili. Nupay kasta, naikuna met a ti kaipapanan ti nagan ket “Asterot iti Asideg ti Carnaim” ket ngarud tumukoy dayta iti siudad ti Astarot, ket ti Carnaim nadakamat kas naisina ngem kaparanget nga ili. Patien met a ti Carnaim ket masarakan iti Sheikh Saʽad, nga adda iti disso nga ayan ti Astarot (Tell ʽAshtarah) kas bigbigen ti kaaduan.​—Kitaenyo ti ASTAROT.