AVEO, DAGITI

Dagiti agnanaed iti Avva, a karaman kadagiti tattao nga inusar dagiti Asirio kas sukat dagiti naidestiero nga Israelita kalpasan ti pannakakautibo ti Samaria idi 740 K.K.P. (2Ar 17:24) Amin dagitoy a nayakar nga agnanaed nagbalinda a pagaammo kas Samaritano. Nupay nasursuro met dagiti Aveo ti agbuteng ken Jehova, nangaramidda latta iti sabali a didios a da Nibhaz ken Tartac ken nagdaydayawda kadagita.​—2Ar 17:29-33; kitaenyo ti AVVA.