BAANA

1. Maysa kadagiti 12 a diputado a dinutokan ni Solomon a mangabasto iti taraon iti sangakabbalayan ti ari. Ti naituding ken Baana isu ti maikalima a nailista a distrito, kangrunaanna dagiti nadam-eg a ginget ti Megiddo ken Jezrael. Anak ni Ahilud; mabalin a kabsat ti managilista ni Solomon a ni Jehosafat.​—1Ar 4:3, 7, 12.

2. Sabali pay a kameng iti 12 a diputado ni Solomon iti taraon, a makinrebbeng iti maikasiam a nailista a distrito, iti makin-amianan a Palestina. Anak ni Husai, kadua ni David.​—1Ar 4:7, 16; 2Sm 15:32-37.

3. Ama ti Sadok a timmulong ken Nehemias a mangtarimaan kadagiti pader ti Jerusalem, idi 455 K.K.P.​—Ne 3:3, 4.