JOCMEAM

[Bay-an a Bumangon (wenno, Tumakder) Dagiti Umili].

1. Maysa a siudad dagiti Efraimita a naited kadagiti Cohatita. (1Cr 6:66, 68) Iti Josue 21:22, ti Jocmeam nabatad a naawagan “Kibzaim,” nalabit sabali pay a nagan wenno immun-una a nagan daytoy met laeng a disso. Saan nga ammo ita ti ayanna.

2. Rehion a naibeddeng iti teritoria nga adda iti sidong ti masakupan ti anak ni Ahilud a ni Baana, maysa kadagiti 12 a diputado ni Solomon. (1Ar 4:12) Mabalin nga isu met laeng ni Jocneam.