BEEROT BENE-JAACAN

[Dagiti Bubon ti Annak ni Jaacan].

Lugar a nalabit saan laeng a namnaminsan a nagpakarsuan dagiti Israelita bayat dagiti panagallaallada idiay let-ang, a ti kaudian a gundaway ket idi sakbay unay ti ipapatay ni Aaron idiay Bantay Hor. (De 10:6) Nupay di sigurado, naikuna nga isu dayta ti el-Birein, agarup 62 km (38 mi) iti abagatan a laud ti Beer-seba ken iti asideg ti agdama nga ʽEzuz. Adda adu a bubon ditoy, ken posible a ti ayan ti Cades-barnea ket sumagmamano laeng a milia iti abagatan. Kuna ni Nelson Glueck: “Iti daytoy a distrito, naisalsalumina ti kaadu dagiti lugar nga addan kadagidi nagkauna a tiempo.” (Rivers in the Desert, 1960, p. 97) Ti Beerot Bene-jaacan ket nabatad a natukoy laeng kas Bene-jaacan iti Numeros 33:31.​—Kitaenyo ti BENE-JAACAN.