BETH

[ב].

Ti maikadua a letra iti Hebreo nga alpabeto. Ti nagan a naited iti daytoy a letra kaipapananna ti “balay.”

No adda tulnek iti tengnga daytoy a Hebreo a letra tapno mapatangken ti pannakaibalikasna, agtaud iti bibig ti unina nga umasping iti “b.” No awan ti tulnek, naluklukneng ti unina nga umasping iti “v,” kas iti sao a “villa.”

Iti Hebreo a teksto, ti tunggal panglukat a sao ti walo a bersikulo ti Salmo 119:9-16 ket mangrugi iti daytoy a letra, kas panangsurot iti akrostiko nga estilo ti salmo.​—Kitaenyo ti HEBREO, II.