PEʼ

[פ; no maudi, ף].

Ti maika-17 a letra ti Hebreo nga alpabeto. Maysa kadagiti lima a Hebreo a letra a sabali ti langana no maaramat kas maudi a letra ti maysa a sao. Ti nagan a naituding iti letra kaipapananna ti “ngiwat.”

Ti Hebreo nga uni tumupag iti Iloko a “p,” no addaan dayta iti tulnek (daghesh lene); ngem no awanan iti daytoy a tulnek maibalikas a kasla “f,” kas iti “Filadelfia.” Daytoy a letra ti pangrugian ti tunggal maysa kadagiti walo a bersikulo iti Hebreo a teksto ti Salmo 119:129-136.​—Kitaenyo ti HEBREO, II.