BEREKIAS

[Binendisionan ni Jehova].

1. Ti anak ni Simea, iti linia ti kapuonan manipud ken Levi a lumasat ken Gersom. Ti anak ni Berekias a ni Asaf ket maysa a kangrunaan a panguluen dagiti kumakanta a dinutokan ni Ari David, ket timmanor manipud kenkuana ti adu a simmaganad a kaputotan dagiti kumakanta iti templo. Daytoy a Berekias ket mabalin nga isu met laeng ti Num. 2.​—1Cr 6:39; 15:17; 25:1-9; Esd 2:41; Ne 7:44.

2. Maysa kadagiti uppat a Levita nga agay-aywan iti ruangan maipaay iti Lakasa idi a ni David ti ari. Mabalin nga isu met laeng ti Num. 1.​—1Cr 15:23, 24.

3. Ti anak ni Mesillemot. (2Cr 28:12) Bayat ti panagari ni Acaz iti Juda, daytoy a makin-abagatan a pagarian nagsagaba iti nakaro a pannakaabak iti im-ima ti makin-amianan a pagarian. Ngem idi maip-ipan idiay Samaria ti 200,000 a kautibo, ni Berekias ken ti tallo a sabsabali pay a panguluen a lallaki ti Efraim sidadaras a nagtignayda maitunos iti pammatigmaan ni Oded a mammadto ni Jehova. Linapdanda dagiti nagballigi tapno saanda nga adipenen ti kakabsatda. Malaksid iti dayta, kinawesan ken pinakanda pay dagiti kautibo kasta met a tinulonganda ida iti panagsublida.​—2Cr 28:6-15.

4. Maysa a kaputotan ni David babaen ken Solomon.​—1Cr 3:1, 10, 20.

5. Maysa a Levita a nagbiag kalpasan ti pannakaidestiero idiay Babilonia; ti anak ni Asa.​—1Cr 9:16.

6. Ti anak ni Mesezabel. Ti anak ni Berekias a ni Mesullam ket nagtrabaho iti pannakaibangon manen dagiti pader ti Jerusalem idi tiempo ni Nehemias, ket ti apokona a babai nakiasawa iti anak ni Tobias.​—Ne 3:4, 30; 6:17, 18.

7. Ti anak ni mammadto Iddo ken ama ni mammadto Zacarias.​—Zac 1:1, 7.