IDDO

[1-5: napaababa a porma ti Adaia, kaipapananna ti “Ni Jehova Kinawesanna [ti agik-ikut iti nagan]”].

1. Anak ni Joa; Levita a kameng ti pamilia ni Gersom.​—1Cr 6:19-21.

2. Ama ni Ahinadab, daydiay nagserbi kas diputado ni Solomon iti taraon idiay Mahanaim.​—1Ar 4:7, 14.

3. Maysa a managsirmata a ti sursuratna ti nagadawan ti nanggupgop iti Cronicas maipapan kadagiti pasamak idi tiempo da Ari Solomon, Rehoboam, ken Abias. Natukoy ti sursurat ni Iddo kas maysa a “salaysay,” maysa a “komentario,” wenno maysa a “midrash.”​—2Cr 9:29; 12:15; 13:22, Rbi8 ftn.

4. Ama ni Berekias ken apong ni mammadto Zacarias. (Esd 5:1; 6:14; Zac 1:1, 7) Mabalin a daytoy nga Iddo ket isu met laeng ti Num. 5.

5. Padi a nailista a karaman kadagidiay nagsubli a kadua ni Zorobabel idiay Jerusalem idi 537 K.K.P. Idi kaaldawan ti nangato a padi a ni Joiaquim, nagserbi ni Zacarias kas pannakaulo ti sangakabbalayan ni Iddo iti dasig ti amana. (Ne 12:1, 4, 12, 16) Mabalin nga isu met laeng ti Num. 4.

6. [mabalin a nagtaud iti sao a kaipapananna ti “idayaw”; wenno manipud sabali pay a sao a kaipapananna ti “ammuen”]. Anak ti maysa nga agnagan Zacarias; prinsipe iti kagudua a tribu ni Manases idiay Galaad idi tiempo ni Ari David.​—1Cr 27:21, 22.

7. Pannakaulo dagiti Netineo nga agserserbi iti templo nga agtataeng idiay Casifia, a 220 kadakuada ti kimmuyog ken Esdras a napan idiay Jerusalem idi 468 K.K.P.​—Esd 8:17, 20.