BERED

[Uraro].

1. Apoko ni Efraim babaen ken Sutela.​—1Cr 7:20.

2. Maysa a lugar iti makin-abagatan a Palestina a nadakamat iti salaysay maipapan iti panagtalaw ni Agar manipud ken Sarai. Ti bubon ti Beer-lahai-roi, a nagsardengan ni Agar, ket adda iti let-ang iti nagbaetan ti Bered ken Cades, iti dalan nga agturong iti Sur. (Ge 16:7, 14) Ti let-ang ti Sur ket maysa a rehion iti abagatan a laud ti Filistia ken adda iti dalan nga agturong iti Egipto, a mabalin a mangipasimudaag nga agaw-awid idi ni Agar iti nakayanakanna a daga.​—Ex 15:22.