TISA A BATO

Daytoy a bato, nga aduan iti calcium carbonate, ket nakaluklukneng, nalaka a marumek, ken nabukel manipud kadagiti arinsaed. Masarakan ita iti nadumaduma a paset ti Palestina. Yantangay ti tisa a bato ket saan a mabalin nga aramaten a pagibangon gapu ta nalaka a maburak ken marumek, inaramat daytoy ni mammadto Isaias kas makaisuro a pangidilig a sao tapno ipakitana no ania ti masapul nga aramiden kadagiti idolatroso nga altar ti Israel tapno magun-od ti pammakawan. (Isa 27:9) Ti Aramaiko a katupag ti Hebreo a termino a gir (tisa) ket agparang iti Daniel 5:5 ken naipatarus a “palitada.”​—Kitaenyo ti APUG; PALITADA.