DOFCA

[mabalin a, Napagtalaw; Naabug].

Ti umuna a lugar a nagsardengan dagiti Israelita kalpasan ti ipapanawda iti Let-ang ti Sin iti panagturongda iti Naikari a Daga. (Nu 33:12, 13) Saan nga ipatuldo ti Biblia ti eksakto a lugar nga ayanna. Nupay kasta, ti Dofca ket inaig ti adu nga eskolar iti Egipcio a Mafqat, maysa a distrito a napanaganan iti kasta gapu iti naminas a turkesa sipud pay kadagiti kadaanan a tiempo iti aglawlaw ti Sarabit el-Khadim, agarup 34 km (21 mi) iti daya ti agdama nga Abu Zanima iti Peninsula ti Sinai.