GEDEROTAIM

Nagan a kaipapananna ti “Dua a Bato a Kulongan.” Agparang a karaman dayta kadagiti siudad ti Juda iti Sefela, ngem saan nga ammo ita ti ayanna. (Jos 15:20, 33, 36) Imbes a Gederotaim, ti Griego a Septuagint ilanadna ti “ken dagiti kukuana a pakayaponan ti karnero,” kayatna a sawen, ‘dagiti pakayaponan ti karnero’ iti immun-unan a nailista a disso, ti Gedera. Gapu iti daytoy a patarus, ti dagup a bilang dagiti siudad iti listaan ket bumassit manipud 15 nga agbalin a 14. (Jos 15:33-36) Yantangay karkarna ti kasta a sasao kadagiti kasta a listaan, isingasing ti sumagmamano a ti teksto mabalin a maipatarus kas “Gedera wenno Gederotaim” imbes a “Gedera ken Gederotaim.”