GUDGODA

Ti nagpakarsuan dagiti Israelita idiay let-ang; nalabit isu met laeng ti Hor-hagidgad. (De 10:6, 7; idiligyo ti Nu 33:33.) Gapu ta patien ti dadduma a ti nagan a “Gudgoda” ket nataginayon iti Wadi Khadakhid, kunaenda a daytoy a lugar ket mabalin a masarakan iti Wadi Khadakhid, agarup 65 km (40 mi) iti amianan nga amianan-a-laud ti Gulpo ti ʽAqaba. Ngem napagduaduaan daytoy, ta dagiti Hebreo a konsonante ti Gudgoda ket saan nga aktual a katupag dagiti konsonante ti Khadakhid. No maipapan iti panagsasaruno dagiti nagpakarsuan dagiti Israelita a nailanad iti Numeros ken Deuteronomio, kitaenyo ti BENE-JAACAN.