GULOT-MAIM

[Dagiti Labneng (Libtong) ti Dandanum].

Disso a kiniddaw ti anak a babai ni Caleb idi mayasawa ken Otniel. (Jos 15:17-19; Uk 1:13-15) Ti adu a bersion ipatarusda ti Gul·lothʹ maʹyim kas “dagiti ubbog ti danum,” idinto ta ti “Makinngato a Gul·lothʹ ken Makimbaba a Gul·lothʹ” kaaduanna a naipatarus kas ‘makinngato nga ubbog ken makimbaba nga ubbog.’ (Kitaenyo ti JB, RS, Yg, KJ.) Nupay kasta, mapaliiw a ti anak a babai ni Caleb nalawag a saanna laeng a tinarigagayan ken amana “dagiti ubbog.” Tinarigagayanna ti maysa a “talon,” sigun iti Josue 15:18. Gapuna, no dadduma maipatarus ti Gul·lothʹ maʹyim kas “nasayaat-pannakapadanumna a daga.” (Kx; kitaenyo met ti Dy.) Inkeddeng ti sumagmamano nga eskolar a saandan nga ipatarus dayta, nga usarenda laeng dagiti transliterasion a “Gulat-maim” (AT) wenno “Gulot-maim.” (NW) Saan nga ammo ti eksakto nga ayan ti Gulot-maim.​—Kitaenyo ti DEBIR Num. 2.