HACOZ

[Ti Siit].

Aaroniko a padi ken pannakaulo ti balay ti amma; naibilang a maika-7 kadagiti 24 a benneg ti papadi idi tiempo ni David.​—1Cr 24:3-7, 10.

Kalpasan ti isusubli manipud Babilonia idi 537 K.K.P., karaman ti “annak ni Hacoz” kadagidiay nadiskualipikar iti kinapadi gapu ta saanda a napasingkedan ti nagtaudanda a kapuonan. Karamanda kadagidiay naparitan a mangan manipud “kasasantuan a bambanag agingga a timmakder ti padi nga addaan iti Urim ken Tummim.” (Esd 2:61-63; Ne 7:63-65) Ti maysa a kaputotan ni Hacoz ket espesipiko a natukoy a nakiraman iti panangibangon manen kadagiti pader ti Jerusalem.​—Ne 3:21.