HAMAT-ZOBA

Nabatad a pinarmek ni Solomon daytoy a disso isu a nadakamat ti kakaisuna a namilitariaan a pannakirupakna a natukoy iti Kasuratan. (2Cr 8:3) Saan a masinunuo no ania ti Hamat-zoba. Mabalin a ti Hamat ken Zoba ket agkaabay a pagarian (idiligyo ti 1Cr 18:9; 2Cr 8:4), a nagtaudan ti nagsilpo a nagan a “Hamat-zoba.” Ipakita ti 1 Cronicas 6:78 a mabalin ti kasta a panamagtipon ti nagan ti dua nga agkaabay a lugar. Ti mabasa iti literal a Hebreo daytoy a teksto ket “ti Jordan Jerico,” wenno “ti Jordan ti Jerico,” ken masansan a naipatarus a “ti Jordan idiay [iti sibay ti] Jerico.”​—NW, RS, KJ.