ILIRICO

Probinsia ti Roma a nagbaliwbaliw dagiti beddengna, masarakan iti makin-amianan a laud a paset ti Peninsula ti Balkan iti igid ti Baybay Adriatiko.

Kalpasan ti panangparmek ni Tiberio kadagiti Panoniano ken kadagiti Dalmaciano idi 9 K.P., nabingay iti dua a paset ti Ilirico a probinsia ti Roma ket nagbalin a dua a probinsia idi agangay. Kamaudiananna, napanaganan iti Dalmacia ti makin-abagatan a probinsia.

Iti Roma 15:19, dakamaten ni apostol Pablo ti panangasabana iti maysa a sirkito “agingga idiay Ilirico.” Saan a naan-anay a masinunuo no ti orihinal a Griego kaipapananna nga aktual a nangasaba ni Pablo idiay Ilirico wenno nagpatingga laeng sadiay.