JAQUIN

[Sititibker Koma nga Ipasdek [ni Jehova]].

1. Ti maikapat a nailista nga anak ni Simeon. (Ge 46:10) Nalawag a naawagan Jarib iti 1 Cronicas 4:24. Dagiti kaputotanna nga isu dagiti Jaquinita ti mangbukel iti maysa kadagiti Simeonita a pamilia iti Israel.​—Ex 6:15; Nu 26:12.

2. Ti padi a ti balay ti amma a nakaikamenganna ket napili babaen ti binnunot a mangaywan iti maika-21 kadagiti 24 a benneg ti papadi nga inorganisar ni David. (1Cr 24:7, 17) Nagnaed idiay Jerusalem ti maysa wenno ad-adu pay kadagiti kaputotanna (wenno kaputotan ti sabali pay a padi a kanagnaganna) kalpasan ti pannakaidestiero idiay Babilonia.​—1Cr 9:3, 10; Ne 11:10.

3. Ti makin-abagatan kadagiti dua nga adigi a nakatakder iti sango ti templo ni Solomon.​—1Ar 7:15-22; kitaenyo ti BOAZ, II; PARATOK.