JARIB

[Makisupiat Koma [ti Dios]; [Ti Dios] Tinamingna ti Legal a Kaso[mi]].

1. Anak ni Simeon (1Cr 4:24), ken nalablabit naawagan Jaquin iti sabali pay a teksto.​—Ge 46:10; kitaenyo ti JAQUIN Num. 1.

2. Maysa kadagiti siam a panguluen nga imbaon ni Esdras a mangparegta kadagiti Levita ken kadagiti Netineo nga umayda iti karayan Ahava ket makikaduada iti sabsabali pay maipaay iti panagbaniaga idiay Jerusalem.​—Esd 8:15-20.

3. Maysa kadagiti nailista a kakabagian ti papadi a ‘nangikari babaen iti pannakialamano’ a papanawenda ti ganggannaet nga assawada a babbai kas panagtungpal iti kalikagum ni Esdras.​—Esd 10:18, 19.