JAHAZ

Maysa a siudad iti daya ti Jordan ken nalawag a nagsaad iti amianan ti Arnon. Nalabit inagaw dayta ti Amoreo nga Ari Sihon manipud kadagiti Moabita. (Nu 21:23-26) Idiay Jahaz a naparmek dagiti Israelita dagiti puersa ni Sihon, ket ti siudad a mismo nagbalin a sanikua dagiti Rubenita. (De 2:32, 33; Jos 13:15, 18, 23; Uk 11:20, 21) Kalpasanna, naituding ti Jahaz kas maysa a siudad nga agpaay kadagiti Merarita a Levita. (Jos 21:34, 36) Iti naud-udi a paset ti pakasaritaan ti Israel, ti siudad ket inturayan dagiti Moabita. Iti Bato a Moabita, impasindayag ni Ari Mesa ti panangalana iti Jahaz manipud ari ti Israel babaen ti 200 a mannakigubat. Kasta met, dakamaten da mammadto Isaias ken Jeremias dayta a siudad iti pammakdaarda maibusor iti Moab.​—Isa 15:1, 4; Jer 48:1, 34.

Nupay nangisingasing dagiti eskolar iti sumagmamano a posible a disso maipaay iti kadaanan a Jahaz, agtalinaed a di ammo ti eksakto nga ayanna.