JAIR

1. Maysa a kaputotan ni Juda babaen iti apokona a ni Hezron. Nangasawa ni Hezron iti babai manipud iti tribu ni Manases. (1Cr 2:21, 22) Naibilang ni Jair kas kaputotan ni Manases imbes a ni Juda, nalabit gapu kadagiti panagballigina iti teritoria ti Manases, a kinautibona sadiay ti adu a siudad a tolda ket impasurotna dagita iti naganna. Nataginayon dayta a nagan iti adu a kaputotan.​—Nu 32:41; De 3:14; Jos 13:30; 1Ar 4:13; kitaenyo ti HAVOT-JAIR.

2. Ti maikapito nga ukom ti Israel. Nalabit kaputotan ti Num. 1 iti ngato, yantangay isu ket Galaadita a natan-ok ti saadna ken ti 30 nga annakna ket nainaig tunggal maysa iti kada siudad a tolda ti Jair a nadakamat iti ngato. Ni Jair ket nagserbi kas ukom ti Israel iti 22 a tawen, a kalpasanna natay ket naitabon idiay Camon.​—Uk 10:3-5.

3. Ama ni Mardokeo; iti tribu ni Benjamin.​—Est 2:5.

4. Ama ti Elhanan a nangpapatay iti kabsat ni Goliat a ni Lami. (1Cr 20:5) Nabatad a nagkamali ti managkopia iti katupagna a teksto iti 2 Samuel 21:19.​—Kitaenyo ti LAMI.