JEHOHANAN

[Ni Jehova Nangipaay iti Parabur; Ni Jehova Nakaparparabur].

1. Maysa a Korita nga agay-aywan iti ruangan bayat ti panagturay ni David; ti maikanem nga anak ni Meselemias.​—1Cr 26:1-3.

2. Maysa a panguluen ti buyot iti sidong ni Ari Jehosafat, a direkta a mangay-aywan iti 280,000 a lallaki ti Juda. (2Cr 17:12, 14-16) Mabalin nga isu met laeng ti Num. 3.

3. Ama ti Ismael a situtured a dimmasig ken Jehoiada ken ti sabsabali pay a panguluen tapno ikkatenda ni Athalia ken isaadda ni Jehoas iti trono ti Juda. (2Cr 23:1-3) Mabalin nga isu met laeng ti Num. 2.

4. Maysa nga Efraimita a ti anakna a ni Azarias ket panguluen iti dayta a tribu idi agarup 760 K.K.P., idi agturturay da Ari Acaz ti Juda ken Peca ti Israel.​—2Cr 28:1, 6, 12.

5. Pannakaulo ti napadian a sangakabbalayan ni Amarias iti dasig ti amana idi kaaldawan ni Joiaquim a suno ni Jesua a Nangato a Padi.​—Ne 12:10, 12, 13.

6. Anak ni Eliasib. Napan ni Esdras iti panganan a siled ni Jehohanan iti templo tapno dung-awanna ti di kinamatalek dagiti umili.​—Esd 10:6.

7. Maysa kadagiti uppat nga annak ni Bebai a nangpapanaw iti ganggannaet nga assawada a babbai ken annakda idi kaaldawan ni Esdras.​—Esd 10:28, 44.

8. Anak ti kabusor ni Nehemias a ni Tobias nga Ammonita. Nangasawa ni Jehohanan iti babai nga Israelita.​—Ne 6:17-19.

9. Maysa a padi a nagpuesto iti templo idi inagurasion ti nabangon manen a pader ti Jerusalem.​—Ne 12:40-42.