JEHUD

Maysa a disso iti teritoria ti Dan (Jos 19:40, 45) a gagangay a maikunkuna nga isu ita ti el-Yehudiyeh (Yehud), agarup 13 km (8 mi) iti daya ti Tel Aviv-Yafo. Nupay kasta, ti Griego a Septuagint (Vatican MS. No. 1209) usarenna ti “Azor” imbes a “Jehud.” (Jos 19:45) Gapuna, ti sumagmamano nga eskolar inaigda ti Jehud iti maysa a munturod iti asideg ti Yazur (Azor), agarup 6 km (3.5 mi) iti daya nga abagatan-a-daya ti Tel Aviv-Yafo. Maipagarup a daytoy ti lugar a maaw-awagan Azuru kadagiti rekord ti pakasaritaan ni Senaquerib.