JESIMON

[Desierto].

1. Maysa a let-ang a nalabit adda iti makin-amianan a daya nga ungto ti Natay a Baybay, nga iti dayta a lugar ti nalabit ayan ti Bet-jesimot. Nalawag a ti Pisga ken Peor ket tumannawag iti Jesimon.​—Nu 21:20; 23:28; Jos 12:1-3.

2. Maysa a rehion iti asideg ti Zif, adda iti amianan ti Let-ang ti Maon. Agparang a sinaklaw ti Jesimon ti sumagmamano a paset ti Let-ang ti Juda. Sumagmamano a milia daytoy iti abagatan a daya ti Hebron. Daytoy a lugar ket buklen ti kalbo ken natisa a turturod. Ditoy a naglemmeng ni David ken dagiti tattaona idi an-anupen ida ni Ari Saul.​—1Sm 23:19, 24; 26:1, 3; kitaenyo ti JUDA, LET-ANG TI.