JORAM

[napaababa a porma ti Jehoram, kaipapananna ti “Ni Jehova ket Nangato (Natan-ok)”].

1. Anak ni Ari Toi ti Hamat. Naibaon ni Joram a mapan ken Ari David nga addaan kadagiti nangina a sagut a naaramid iti balitok, pirak, ken gambang, agraman dagiti kablaaw ni amana, idi a ni David naparmekna ni Hadadezer nga ari ti Zoba. Iti kasta, inawat ken sinantipikar ni David dagiti sagut nga agpaay ken Jehova. (2Sm 8:5, 9-11) Iti kapadana a salaysay, Hadoram ti naaramat a nagan ni Joram.​—1Cr 18:9-11.

2. Kaputotan ti Levita a ni Eliezer, nga anak ni Moises; nalabit nagbiag idi tiempo nga ari ni David.​—1Cr 26:24, 25; Ex 18:2-4.

3. Ari ti Israel iti uneg ti 12 a tawen; anak ni Acab. Gagangay a naawagan iti at-atiddog a naganna a Jehoram. (2Ar 3:1) Ti ab-ababa a nagan a Joram ket masarakan laeng iti tallo a kapitulo iti Masoretiko a teksto.​—2Ar 8:16, Rbi8 ftn, 17-29; 9:14, Rbi8 ftn, 15-29; 2Cr 22:5, Rbi8 ftn, 6, 7; kitaenyo ti JEHORAM Num. 2.

4. Ari ti Juda iti uneg ti walo a tawen; anak ni Jehosafat. Adda dagiti gundaway a ti ab-ababa a naganna a Joram ti nailanad iti Masoretiko a teksto. (2Ar 8:21, 23, 24; 11:2; 1Cr 3:11, Rbi8 ftn) Masarakan met ti ab-ababa a nagan a Joram iti Griego a teksto da Westcott ken Hort, ngem ti kompleto a nagan ti inusar ti dadduma a patarus tapno nalawlawag ti pannakaawat iti dayta.​—Mt 1:8, NW, Sawyer, TC, We; kitaenyo ti JEHORAM Num. 3.