HADORAM

1. Anak ni Joctan ken kaputotan ni Sem, nailista a karaman kadagiti namunganay iti pampamilia kalpasan ti Layus. (Ge 10:21, 25-27, 32) Daytoy a pamilia ket nagnaed idiay Arabia, mabalin nga idiay Yemen.

2. Anak ni Ari Tou ti Hamat. Isu imbaon ti amana a mapan ken David buyogen ti kablaaw ken sagsagut kas panangrambak iti panagballigi ti Israel maibusor iti ari ti Zoba. (1Cr 18:9-11) Naawagan iti Joram iti 2 Samuel 8:10.

3. Ti manangaywan kadagiti naipasalista maipaay iti pinuersa a panagtrabaho bayat dagiti panagturay da Ari David, Solomon, ken Rehoboam. Idi imbaon ni Rehoboam a mapan kadagiti rebelioso a makin-amianan a tribu, naubor ni Hadoram agingga a natay. (2Cr 10:18) Naawagan iti Adoram iti 1 Ar-ari 12:18 ken iti 2 Samuel 20:24, ken Adoniram iti 1 Ar-ari 4:6 ken 5:14.