ADONIRAM

[Nangato (Natan-ok) ti Apo(k)].

Maysa a prinsipe, makabael nga administrador, ken anak ni Abda. Nagserbi ni Adoniram kas manangaywan kadagidiay naipasalista a maipaay iti pinuersa a panagtrabaho bayat dagiti panagturay da David, Solomon, ken Rehoboam, a nagpateg ti naaramidanna iti adu a proyekto a panagibangon ni Solomon. Kalpasanna, idi immalsa ti sangapulo a tribu maibusor kadagiti naulpit a bilin ni Rehoboam idiay Siquem idi 997 K.K.P., daytoy a manangaywan maipaay iti pinuersa a panagtrabaho ket imbaon ti ari kadagiti umili ngem ‘inuborda iti batbato, iti kasta natay.’ (2Cr 10:18) Natukoy iti nagduduma a nagan a kas iti Adoniram (1Ar 4:6; 5:14), Adoram (2Sm 20:24; 1Ar 12:18), ken Hadoram.​—2Cr 10:18.