ABDA

[Adipen].

1. Ti ama ni Adoniram. (1Ar 4:6) Ni Adoniram nga anakna ket prinsipe a namangulo kadagidiay naipasalista maipaay iti pinuersa a panagtrabaho bayat dagiti panagturay da David, Solomon, ken Rehoboam, ken nabatad nga isu ti Adoram, wenno Hadoram, a natukoy iti dadduma pay a teksto. (2Sm 20:24; 1Ar 12:18; 2Cr 10:18) Ngarud, nalabit a ni Abda ket kapanawenan ni Ari David.

2. Kaputotan ni Jedutun, iti tribu ni Levi. (Ne 11:17, 18) Ni Abda a Levita nabatad nga isu met laeng ti “Abdias” a nadakamat iti 1 Cronicas 9:16. Isu maysa kadagiti destiero a nagsubli idiay Jerusalem manipud Babilonia.